والجماعت

جس طرح قرآن پاک کو صحیح سمجھنے کے لیے صرف عربی زبان دانی کافی نہیں اس کی صحیح تفسیر آپ صلی اللہ علیہ وسلم کی عملی زندگی ہے اسی طرح آپ صلی اللہ علیہ وسلم نے آنیوالی امت کی پوری رہنمائی کے لیے صحابہ کرام رضی اللہ تعالیٰ عنہم کی ایک عظیم جماعت تیار فرمائی جنہوں نے آپ صلی اللہ علیہ وسلم کی نگرانی میں آپ صلی اللہ علیہ وسلم کی سنتوں پر عمل کیا اور بعد میں آنیوالوں کے لیے یہ حضرات سنت کے عملی نمونے قرار پائے جو نہ صرف یہ کہ نبی پاک صلی اللہ علیہ وسلم کی نگرانی میں تیار ہوئے بلکہ خداوند قدوس نے بھی مکمل نگرانی فرمائی اور رَضِیَ اللّٰہُ عَنْھُمْ وَرَضُوْا عَنْہُ ( اللہ راضی ہوا ان سے اور وہ راضی ہوئے اس سے ) کا سرٹیفکیٹ عطا فرمایا۔
آپ صلی اللہ علیہ وسلم نے تاکیدی حکم دیا کہ علیکم بالجماعۃ اس جماعت کو لازم پکڑو اور جماعت سے کٹنے والے کو شیطان کا لقمہ فرمایا اور اس بکری سے تشبیہ دی جو چرواہے کی نگرانی اور ریوڑ سے نکل کر کسی بھیڑئے کا نوالہ بن جائے۔ (احمد)
شیخ ابن تیمیہ رحمہ اللہ فرماتے ہیں: فاھل السنۃ والجماعۃ ھم المتبعون للنص والا جماع (منہاج السنۃ ص ۲۷۲؍ج۳) یعنی اہل سنت وہ لوگ ہیں جو نص (کتاب و سنت) اور اجماع کی تابعداری کرتے ہیں۔