احتساب کا صرف عالم کو حق ہے

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ یہ جو احتساب اور تبلیغ ہے یہ خود ایک مستقل فن ہے، اس کے قیود وحدود و شرائط ہیں، بڑی بڑی کتابیں اس فن میں لکھی ہوئی ہیں ۔ جاہل کو حق نہیں احتساب کا ، صرف عالم کو حق ہے ، وہی اس کے حدود کی رعایت کر سکتا ہے مگر اس وقت قیود و حدود سے نفس کو دبانا جانتے ہی نہیں ، بالکل آزاد رکھنا چاہتے ہیں ۔ بہت ہی آزادی کا اثر ہوگیا ہے ، جس کو دیکھئے حدود سے نکلا ہوا ہے ۔ جب ایسے ایسے جاہل آزاد ہوکر مسائلِ شرعیہ میں دخل دینے لگے جب ہی تو گمراہی کا پھاٹک کھل گیا ۔ جدھر دیکھو اور جس طبقے کو دیکھو اور جس کو دیکھو دین کے مسائل کا مدعی ، تحقیق اور تفسیر کا دعویٰ ، نہ ان لوگوں کے قلوب میں آخرت کا خیال ، نہ خدا کا خوف۔(آداب ِ شیخ و مرید، صفحہ ۳۱۸)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات شیخ و مرید کے باہمی ربط اور آداب سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں