خدمت کی دو قسمیں

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ خدمت کی دو قسمیں ہیں: (۱) معین (۲) غیر معین ۔ نوکر کی خدمت معین ہوتی ہے لیکن غلام کی خدمت معین نہیں ہوتی۔ غلام کی خدمت کھانا پکانے، قلمدان اٹھانے اور پاخانہ کمانے سے لے کر نائب بن کر کسی صوبہ کا انتظام کرنے تک ہوتی ہے۔ یہ شان جن وانس کی ہی ہے کہ ان کی عبادت کوئی معین نہیں۔ پاخانہ جانا تک ان کی عبادت، کسی شرعی حکم سے کسی کو مارنا تک ان کی عبادت، کوئی کام ایسا نہیں کہ ان کے لیے عبادت نہ ہو (جس وقت حق سبحانہ و تعالیٰ کا جو حکم ہو اسے بجالانا یہی بندہ کی عبادت ہے)۔ بخلاف دوسری مخلوق کے کہ ان کی اپنی عبادات مشابہ اجیر (نزدور کی طرح) کے ہیں جن کو خاص کام کے لیے مقرر کیا جاتا ہے۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔