ہماری شریعت میں بہت سے احکام کا
خلافِ عقل ہونا اس کے حق ہونے کی دلیل ہے

ارشاد فرمایا کہ میرے بھائی سے ایک آریہ نے کہا تھا کہ ہمارے مذہب میں یہ خوبی ہے کہ اس کی ہر تعلیم عقل کے موافق ہے اور تمہارے یہاں یہ بات نہیں ، اس لئے معلوم ہوتا ہے کہ ہمارا مذہب صحیح ہے۔ بھائی نے کہا کہ یہی دلیل ہے اس کی کہ ہمارا مذہب سماوی ہے (یعنی آسمان سے منجانب اللہ نازل ہوا ہے)اور تمہارا مذہب ارضی (یعنی اسی زمین میں خود ساختہ ہے) ۔ دیکھو بہت سی باتیں اپنے خانگی انتظام کے متعلق ایسی ہوتی ہیں کہ ہم تم تو سمجھتے ہیں مگر ہمارے نوکر نہیں سمجھتے ، اس واسطے کہ ہماری عقل ان کی عقل سے بالا تر ہے ۔اسی طرح خدائی احکام کی یہی علامت ہے کہ کہیں ہماری سمجھ میں آئیں اور کہیں سمجھ میں نہ آئیں ۔ اور جب تمہاری سب مذہبی تعلیمات عقل کے موافق ہیں تو معلوم ہوا کہ تم ہی جیسوں نے اس کو اپنی عقل و ذہانت سے گڑھ لیا ہے ،یہ آسمانی نہیں ہیں۔ (امدادالحجاج ،صفحہ ۲۲۰)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات جو حج سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں