دوسروں کی تحقیر سے احتراز اور حسن ظن کی ضرورت

ملفوظات حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ ہمیں اپنے تھوڑے سے علم اور تھوڑے سے تقدس پر اس قدر ناز ہے کہ جہاں ذرا تسبیح ہلائی اور بزرگ ہوگئے۔ اب ساری دنیا سے جھگڑتے پھرتے ہیں۔ آپ کو کیا خبر ہے کہ آپ کا سارا تقدس دھرا رہ جائے اور جن سے آپ جھگڑتے پھرتے ہیں ان کی آناً فاناً منزل تک رسائی ہوجائے ۔ ابھی کیا خبر کہ مرتے وقت ہم کس حال میں ہوں گے ، اللہ ہی بہتر جانتا ہے، ابھی تو کشتی منجدھار میں ہے۔ یہ فکر تو ایسی ہے کہ اس کے بعد نہ کسی کو کافر بنانے کی فکر اور نہ کسی کو فاسق کہنے کی فکر ہوتی ہے۔ میں اصلاح کو منع نہیں کرتا مگر کسی کو حقیر نہ سمجھو کیونکہ یہ تو تکبر ہے، خدا جانے انجام کیا ہوگا۔ شیطان کو دیکھو کہ آٹھ لاکھ برس تک عبادت کرتا رہا مگر ایک بات سے انکار کر کے مردود ہوگیا۔

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔